Sen a fe, miramos pero non vemos. As historias de loita superación persoal son historias de resurrección. Son historias que, interpretadas á luz da Resurrección, son historias de trascendencia e de VIDA ETERNA. A través dos retos e desafíos que nos plantexa a vida, poñemos a proba as nosas capacidades e habilidades, tamén a nosa fe. E grazas a iso poden se converter en experiencias de Deus, de resurrección. Se nunca tivemos necesidade da axuda de Deus, posiblemente nunca o faremos presente nas nosas vidas.

A vida pon ás persoas perante retos e desafíos onde se xoga o ser ou non ser da persoa. Momentos onde se poñen a proba as nosas capacidades e a nosa fe. Por ese motivo son momentos existenciais onde podemos atopar a Deus e, grazas a Deus, superar as devanditas dificultades. Son momentos que marcan o paso do Señor pola nosa vida, como si dunha Pascua permanente se tratara, e onde podemos experimentar a morte e a resurrección. Non hai salvación sen resurrección, nin hai resurrección sen cruz. Tampouco existe a VIDA ETERNA sen resurrección, porque o que dá a VIDA ETERNA é a vivencia da fe en Cristo Resucitado.

 A fe non é certeza, non é seguridade. A fe é esperanza e confianza e, grazas á fe o ser humano está chamado a vencer e a sobreporse aos grandes problemas e dificultades. A través das experiencias da dor, do mal e do sufrimento, da cruz en definitiva, podemos atopar a Deus e Deus faise presente nas nosas vidas para vencer as devanditas dificultades.